(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
8.34. అధ్యాయః 034
Mahabharata - Karna Parva - Chapter Topics
కర్ణేన మర్మోద్ధాటనపూర్వకం శల్యగర్హణం॥ 1 ॥
Mahabharata - Karna Parva - Chapter Text

సంజయ ఉవాచ। 8-34-0x(4925)(56491)
అధిక్షిప్తస్తు రాధేయః శల్యేనామితతేజసా।
శల్యమాహ సుసంక్రుద్ధో వాక్శల్యమవధారయన్॥ 8-34-1(56492)
కర్ణ ఉవాచ। 8-34-2x(4926)
గుణాన్గుణవతాం శల్య గుణవాన్వేత్తి నాగుణః।
త్వం తు నిత్యం గుణైర్హీనః కిం జ్ఞాస్యసి గుణాగుణాన్॥ 8-34-2(56493)
అర్జునస్య మహాస్త్రాణి క్రోధం వీర్యం ధనుః శరాన్।
అహం శల్యాభిజానామి న త్వం జానాసి తత్తథా॥ 8-34-3(56494)
తథా కృష్ణస్య మాహాత్ంయమృషభస్య మహీక్షితాం।
యథాహం శల్య జానామి న త్వం జానాసి తత్తథా॥ 8-34-4(56495)
ఏవమేవాత్మనో వీర్యమహం వీర్యం చ పాండవే।
జానంస్తావాహ్వయే యుద్ధే శల్య నాగ్నిం పతంగవత్॥ 8-34-5(56496)
అస్తి చాఽయమిషుః శల్య సుపుంఖో రక్తభోజనః।
ఏకస్తూణీశయః పత్రీ సుధౌతః సమలంకృతః॥ 8-34-6(56497)
శేతే చందనచూర్ణేన పూజితో బహులాః సమాః।
ఆహేయో విషవానుగ్రో నరాశ్వద్విపసంఘహా॥ 8-34-7(56498)
ఘోరరూపో మహారౌద్రస్తనుత్రాస్థివిదారణః।
నిర్భింద్యాం యేన రుష్టోఽహమపి మేరుం మహాగిరిం॥ 8-34-8(56499)
తమహం జాతు నాస్యేయమన్యస్మిన్ఫల్గునాదృతే।
కృష్ణాద్వా దేవకీపుత్రాత్సత్యం చాపి శృణుష్వ మే॥ 8-34-9(56500)
తేనాహమిషుణా శల్య వాసుదేవధనంజయౌ।
యోత్స్యే పరమసంరబ్ధౌ తత్కర్మ సదృశం మమ॥ 8-34-10(56501)
సర్వేషాం వృష్ణివీరాణాం కృష్ణే లక్ష్మీః ప్రతిష్ఠితా।
సర్వేషాం పాండుపుత్రాణాం జయః పార్థే ప్రతిష్ఠితః।
ఉభయం తు సమాసాద్య కో నివర్తితుమర్హతి॥ 8-34-11(56502)
తావేతౌ పురుషవ్యాఘ్రౌ సమేతౌ స్యందనే స్థితౌ।
మామేకమభిసంయుద్ధౌ సుజాతం పశ్య శల్య మే॥ 8-34-12(56503)
పితృష్వసామాతులజౌ భ్రాతరావపరాజితౌ।
మణీ సూత్ర ఇవ ప్రోతౌ ద్రష్టాసి నిహతౌ మయా॥ 8-34-13(56504)
అర్జునే గాండివం కృష్ణే చక్రం తార్క్ష్యకపిధ్వజౌ।
భీరూణాం త్రాసజననం శల్య హర్షకరం మమ॥ 8-34-14(56505)
త్వం తు దుష్ప్రకృతిర్మూఢో మహాయుద్వేష్వకోవిదః।
భయావదీర్ణః సంత్రాసాదబద్ధం బహుః భాషసే॥ 8-34-15(56506)
సంస్తౌషి తౌ తు కేనాపి హేతునా త్వం కుదేశజ।
తౌ హత్వా సమరే హంతా త్వామద్య సహ బాంధవం॥ 8-34-16(56507)
పాపదేశజ దుర్బుద్ధే క్షుద్ర క్షత్రియపాంసన।
సుహృద్రూపో రిపుః కిం మాం కృష్ణాభ్యాం భీషయిష్యసి॥ 8-34-17(56508)
తౌ వా మామద్య హంతారౌ హనిష్యే వాఽపి తావహం।
నాహం బిభేమి కృష్ణాభ్యాం విజానన్నాత్మనో బలం॥ 8-34-18(56509)
వాసుదేవసహస్రం వా ఫల్గునానాం శతాని వా।
అహమేకో హనిష్యామి జోషమాస్స్వ కుదేశజ॥ 8-34-19(56510)
స్త్రియో బాలాశ్చ వృద్వాశ్చ ప్రాయః క్రీడాగతా జనాః॥ 8-34-20(56511)
యా గాథాః సంప్రగాయంతి కుర్వతోఽధ్యయనం యథా।
తా గాథాః శృణు మే శల్య మద్రకేషు దురాత్మసు॥ 8-34-21(56512)
బ్రాహ్మణైః కథితాః పూర్వం యథావద్రాజసన్నిధౌ।
శ్రుత్వా చైకమనా మూఢ మమ వా బ్రూహి చోత్తరం॥ 8-34-22(56513)
మిత్రధ్రుఙ్మద్రకో నిత్యం యో నో ద్వేష్టి స మద్రకః।
మద్రకే సంగతం నాస్తి క్షుద్రవాక్యే నరాధమే॥ 8-34-23(56514)
దురాత్మా మద్రకో నిత్యం నిత్యమానృతికోఽనృజుః।
యచ్చాన్యదపి దౌరాత్ంయం మద్రకేష్వితి నః శ్రుతం॥ 8-34-24(56515)
పితా పుత్రశ్చ మాతా చ శ్వశ్రూశ్వశురమాతులాః।
భగినీ దుహితా భ్రాతా నప్తాఽన్యే తే చ బాంధవాః॥ 8-34-25(56516)
వయస్యాభ్యాగతాశ్చాన్యే దాసీదాసాశ్చ సంగతాః।
పుంభిర్విమిశ్రా నార్యశ్చ జ్ఞాతాజ్ఞాతాః స్వయేచ్ఛయా॥ 8-34-26(56517)
యేషాం గృహేష్వశిష్టానాం సక్తుమద్యాశినాం సదా।
పీత్వా శీధు సగోమాంసం క్రందంతి చ హసంతి చ॥ 8-34-27(56518)
గాయంతి చాప్యబద్ధాని ప్రవర్తంతే చ కామతః।
కామప్రలాపినోఽన్యోన్యం తేషు ధర్మఃకథం భవేత్॥ 8-34-28(56519)
మద్రకేష్వవలిప్తేషు ప్రఖ్యాతాశుభకర్మసు।
నాపి వైరం న సౌహార్దం మద్రకేణ సమాచరేత్॥ 8-34-29(56520)
మద్రకే సంగతం నాస్తి మద్రకో హి సదా మలః।
మద్రకేషు చ సంసృష్టం శౌచం గాంధారకేషు చ॥ 8-34-30(56521)
రాజయాజకయాజ్యే హి యథా దత్తం హవిర్నశేత్।
శూద్రసంస్కారకో విప్రో యథా యాతి పరాభవం॥ 8-34-31(56522)
యథా బ్రహ్మద్విషో నిత్యం గచ్ఛంతీహ పరాభవం।
యథైవ సంగతం కృత్వా నరః పతతి మద్రకైః॥ 8-34-32(56523)
బాలేష్వపి సదా న స్మ ధనం వృశ్చిక తే విషం।
ఆథర్వణేన మంత్రేణ సర్వశాంతిః కృతా మయా॥ 8-34-33(56524)
ఇతి వృశ్చికదష్టస్య విషవేగహతస్య చ।
కుర్వంతి భేషజం ప్రాజ్ఞాః సత్యం తచ్చాపి దృశ్యతే॥ 8-34-34(56525)
ఏవం విద్వంజోషమాస్స్వ బ్రూహి చాత్రోత్తరం వచః।
వాసాంస్యుత్సృజ్య నృత్యంతి స్త్రియో మద్యవిమోహితాః॥ 8-34-35(56526)
మైథునేఽసంగతాశ్చాపి యథాకామవరాశ్చ తాః।
తాసాం పుత్ర కథం ధర్మం మద్రకో వక్తుమర్హతి॥ 8-34-36(56527)
యాస్తిష్ఠంత్యః ప్రమేహంతి యథైవోష్ట్రదశేరకాః।
తాసాం విభ్రష్టధర్మాణాం నిర్లజ్జానాం తతస్తతః।
త్వం పుత్రస్తాదృశీనాం హి ధర్మం వక్తుమిహేచ్ఛసి॥ 8-34-37(56528)
సౌవీరకం యాచ్యమానా మద్రికా కర్షతి స్ఫిచౌ।
అదాతుకామా వచనమిదం వదతి దారుణం॥ 8-34-38(56529)
మా మాం సౌవీరకం కశ్చిద్యాచతాం దయితం మమ।
పుత్రం దద్యాం పతిం దద్యాం న తు దద్యాం సువీరకం॥ 8-34-39(56530)
గౌర్యో బృహత్యో నిర్హీకా మద్రికాః కంపలావృతాః।
ఘస్మరా నష్టశౌచాశ్చ ప్రాయ ఇత్యనుశుశ్రుమ॥ 8-34-40(56531)
పమేహిత్వా స్ఫిచౌ భూమౌ ఘర్షంత్యో హీనశోధనాః।
శుద్ధా నాద్భిర్న మృద్భిశ్చ నిత్యోచ్ఛిష్టా భవంతి హి॥ 8-34-41(56532)
ఏవమాది మయాఽన్యైర్వా శక్యం వక్తుం భవేద్బహు।
ఆకేశాంతాన్నఖాగ్రాచ్చ వక్తవ్యేషు కుకర్మసు॥ 8-34-42(56533)
మద్రకాః సింధుసౌవీరా ధర్మం విద్యుః కథం త్విహ।
పాపదేశోద్భవా ంలేచ్ఛా ధర్మాణామవిచక్షణాః॥ 8-34-43(56534)
ఏష ముఖ్యతమో ధర్మః క్షత్రియస్యేతి నః శ్రుతం।
యదాజౌ నిహతః శేతే సద్భిః సమభిపూజితః॥ 8-34-44(56535)
ఆయుధానాం సాంపరాయే యన్ముంచేయమహం తతః।
మమైష ప్రథమః కల్పో నిధనే స్వర్గమిచ్ఛతః॥ 8-34-45(56536)
సోయం ప్రియసఖా చాస్మి ధార్తరాష్ట్రస్య ధీమతః।
తదర్థే హి మమ ప్రాణా యచ్చ మే విద్యతే వసు॥ 8-34-46(56537)
వ్యక్తం త్వమప్యుపహితః పాండవైః పాపదేశజ।
యథా చామిత్రవత్సర్వం త్వమస్మాసు ప్రవర్తసే॥ 8-34-47(56538)
కామం న ఖలు శక్యోఽహం త్వద్విధానాం శతైరపి।
సంగ్రామాద్విముఖః కర్తుం ధర్మజ్ఞ ఇవ నాస్తికైః॥ 8-34-48(56539)
సారంగ ఇవ ఘర్మార్తః కామం విలప శుష్య చ।
నాహం భీషయితుం శక్యః క్షత్రధర్మే వ్యవస్థితః॥ 8-34-49(56540)
తనుత్యజాం నృసింహానామాహవేష్వనివర్తినాం।
యా గతిర్గురుణా ప్రోక్తా ప్రేంణా రామేణ తాం స్మరే॥ 8-34-50(56541)
స్వేషాం త్రాణార్థముద్యంతం వధార్థం ద్విషతామపి।
విద్ధి మామాస్థితం వృత్తం పౌరూరవసముత్తమం॥ 8-34-51(56542)
న తద్భూతం ప్రపశ్యామి త్రిషు లోకేషు మద్రప।
యో మామస్మాదభిప్రాయాద్వారయేదితి మే మతిః॥ 8-34-52(56543)
ఏవం విద్వంజోషమాస్స్వ త్రాసాత్కిం బహు భాషసే।
న త్వాం హత్వా ప్రదాస్యామి క్రవ్యాద్భ్యో మద్రకాధం॥ 8-34-53(56544)
మిత్రప్రతీక్షయా శల్య ధృతరాష్ట్రస్య చోభయోః।
అపవాదతితిక్షాభిస్త్రిభిరేతైర్హి జీవసి॥ 8-34-54(56545)
పునశ్చేదీదృశం వాక్యం మద్రరాజ వదిష్యసి।
శిరస్తే పాతయిష్యాసి గదయా వజ్రకల్పయా॥ 8-34-55(56546)
శ్రోతారస్త్విదమద్యేహ ద్రష్టారో వ్రా కుదేశజ।
కర్ణం వా జఘ్నతుః కృష్ణౌ కర్ణో వా నిజఘాన తౌ॥ 8-34-56(56547)
ఏవముక్త్వా తు రాధేయః పునరేవ విశాంపతే।
అబ్రవీన్మద్రరాజానం యాహియాహీత్యసంభ్రమం॥ ॥ 8-34-57(56548)

ఇతి శ్రీమన్మహాభారతే కర్ణపర్వణి చతుస్త్రింశోఽధ్యాయః॥ 34 ॥

Mahabharata - Karna Parva - Chapter Footnotes
8-34-7 ఆహేయః సర్పమయః॥
8-34-9 నాస్యేయం న క్షిపేయం॥
8-34-12 సుజాతం శోభనం జన్మ॥
8-34-13 ప్రోతౌ ఏకసూత్రే మణీఇవ ప్రేమసంబద్ధౌ॥
8-34-19 జోషం తూష్ణీం। ఆస్స్వ తిష్ఠ॥
8-34-20 క్రీడాగతాః లీలయా ఆగతాః॥
8-34-21 మద్రకేషు కుత్సితేషుమద్రదేశేషు॥
8-34-22 క్షమ వా బ్రూహి చోత్తరం ఇతి ఝ.పాఠః॥
8-34-24 అనృతేన చరతీత్యానృతికః॥
8-34-26 పుంభిః పురుషైః విమిశ్రాః సంగతాః।
ఇచ్ఛయా మైథునినోఽజ్ఞాతవత్ జ్ఞాతా అప్యవిగీతా ఇత్యర్థః॥
8-34-27 యేషాం మద్రకాణాం సక్తుమిశ్రితమత్స్యాశినాం। శీధు మద్యం॥
8-34-30 మద్రకేషు సంసృష్టం నష్టం ఏవం గాంధారకేషు శౌచం నష్టం భవేత్॥
8-34-31 రాజా యాజకో యస్య తస్మిన్యాజ్యే హవిర్నష్టం భవేత్॥
8-34-32 యథైవేతి। యథా మద్రకైః సంగతం కృత్వా పతతి హేవృశ్చిక తథా తే విషం హతమిత్యధ్యాహారః।
యద్యేతత్సత్యం తర్హి తవ విషం నశ్యత్వితి మంత్రేణ సర్వథా విషం నశ్యతీత్యర్థః।
మయేత్యాత్మానుభవసిద్ధమిదమితి ద్యోతయతి॥
8-34-33 యథైవేతి। యథా మద్రకైః సంగతం కృత్వా పతతి హేవృశ్చిక తథా తే విషం హతమిత్యధ్యాహారః।
యద్యేతత్సత్యం తర్హి తవ విషం నశ్యత్వితి మంత్రేణ సర్వథా విషం నశ్యతీత్యర్థః।
మయేత్యాత్మానుభవసిద్ధమిదమితి ద్యోతయతి॥
8-34-36 యథాకామం వరయంతితాః।
మైథునే సంగతా యాశ్చ తథా కామకరాశ్చ హ।
తాసాం పుత్రో మమ కథం మద్రకో యోగమర్హతి।
ఇతి క.పాఠః యథేళకాః ఇతి ట. పాఠః॥
8-34-37 ప్రమేహంతి మూత్రయంతే। దశేరకాః గర్దభాః। యథైవోష్ట్రా యథేళకాః ఇతి ట.పాఠః॥
8-34-38 సువీరకం కాంజికం। స్ఫిచౌ కటిప్రోథౌ॥
8-34-40 నిర్హీకాః నిర్లజ్జాః। ఘస్మరాః బహుభక్షకాః॥
8-34-42 వక్తవ్యేషు గర్హణీయేషు॥
8-34-45 సాంపరాయే సమూహే సంగ్రాయే ఇత్యర్థః।
ముంజేయం జీవితమితి శేషః॥
8-34-47 ఉపహితః ఉపజప్త॥
8-34-49 సారంగ ఇవ ఘర్మాంతే ఇతి క.డ.పాఠః॥
8-34-54 అపవాదో నిందా తితిక్షా చ తైస్త్రిభిత్రహితుభిః॥
8-34-34 చతుస్త్రింశోఽధ్యాయః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.